Հայաստանում հողմային էներգետիկայի զարգացման ծրագիր

Հայաստանի վերականգնվող էներգետիկայի և էներգախնայողության հիմնադրամը (R2E2), Ասիական զարգացման բանկի (ԱԶԲ) հետ համատեղ՝ Տարածքային կառավարման և ենթակառուցվածքների նախարարության հովանու ներքո Հայաստանի Հանրապետությունում հողմաէներգետիկ ներուժը զարգացնելու նպատակով  2023 թվականի նոյեմբերին մեկնարկել է հողմային էլեկտրաէներգիայի արտադրության հնարավոր նախագծերի կենսունակության գնահատման  (TA-6959 Armenia: Viability Assessment for Potential Wind Power Electricity Generation Projects) ծրագիրը՝ 1 միլիոն ԱՄՆ դոլար արժողությամբ։

Ծրագրի հիմնական փուլերը և ֆինանսավորումը

•  2022 թ. սեպտեմբերի 27 – ԱԶԲ-ն հաստատեց TA 6959-ARM ծրագիրը։
•  2022 թ. հոկտեմբերի 28 –ուժի մեջ է մտել։
•  2024 թ. փետրվարի 27 – ԱԶԲ-ն հաստատեց ՏԱ -ի գումարի ավելացումը 0,325 միլիոն ԱՄՆ դոլարով (ընդամենը 1,325 միլիոն ԱՄՆ դոլար)։

Ծրագիրն ուղղված է Հայաստանի էներգետիկ անվտանգության բարելավմանը, վերականգնվող էներգիայի ոլորտի ընդլայնմանը և հողմային էներգիայի զարգացմանը։ 

Ծրագրի նպատակ

• Վերանայել, գնահատել և/կամ հաստատել քամու ռեսուրսների մասով նախկին տվյալները և վերլուծությունները։
• Սկրինինգավորել հնարավոր հողմային տեղանքները և ընտրել մինչև երեք տեղանք ապագա վերլուծությունների համար։
• Հաստատել իրավական, տեխնիկական, ֆինանսական իրագործելիությունը և սահմանափակումները։
• Հաստատել ենթադրվող ապագա տեղանքների բնապահպանական և սոցիալական ազդեցության գնահատումը։

 Լրացուցիչ ֆինանսավորումը ուղղվելու է՝

• Հողմաչափական սարքավորումների տեղադրմանը՝ տեխնիկական խորհրդատուի կողմից առաջարկված առավել հեռանկարային ճանաչված վայրերում։
• Օդերևութաբանական կայանների արդիականացմանը՝ եղանակային տվյալների ավելի հստակ վերլուծության համար։
• Լրացուցիչ շարժական չափիչ կայանի ավելացմանը, ինչը կօգնի ստանալ առավել ճշգրիտ տվյալներ և ապահովել հետագա մշտադիտարկումը։
• Հայաստանում հողմային էներգիայի արտադրության ընդհանուր կենսունակության գնահատում, ինչպես նաև ՏԿԵ նախարարության աջակցություն՝ համապատասխանեցնելով նոր հանրային ներդրումների կառավարման (PIM) շրջանակին։

 Ծրագրի ազդեցությունը՝

•  Հայաստանում վերականգնվող էներգիայի մասշտաբային զարգացում։
•  Հողմային էներգիայի ներուժի առավել արդյունավետ օգտագործում։
•  Էլեկտրաէներգիայի արտադրության մեջ վերականգնվող էներգետիկայի աղբյուրների մասնաբաժնի մեծացում։
•  Ջերմոցային գազերի արտանետումների նվազեցում։

Ծրագրի ընթացքի տեսանյութ

Քամու քարտեզ