Երևանի կայուն էներգիայի օրեր

Երևանի կառուցապատման ներդրումային ծրագրերի իրականացման գրասենյակը՝ ի դեմս Երևանի քաղաքապետարանի, Հայաստանի վերականգնվող էներգետիկայի և էներգախնայողության հիմնադրամի հետ համատեղ հրավիրում են մասնակցելու 2026 թվականի փերտվարի 11-ին և 12-ին կայանալիք Երևանի կայուն էներգիայի օրերին։ 

 Գիտակրթական և կիրառական այս միջոցառման նպատակն է երիտասարդներին ներգրավել քաղաքային խնդիրների լուծման գործընթացում՝ խթանելով գիտության, տեխնոլոգիաների և կայուն էներգիայի կիրառումը գործնական և փորձարկելի լուծումների մշակման միջոցով։ Միջոցառումը նաև համագործակցության հարթակ է երիտասարդների, ոլորտի մասնագետների, գիտական համայնքի, քաղաքային մարմինների և մասնավոր հատվածի միջև:

 Հրավիրվում են մասնակցելու․

   -        բուհերի ուսանողներ (էներգետիկա, ինժեներություն, ՏՏ, բնապահպանություն, քաղաքաշինություն, ճարտարապետություն և հարակից ոլորտներ),

   -        երիտասարդ գիտաշխատողներ և սկսնակ հետազոտողներ,

   -        ստարտափներ և նորարար թիմեր,

   -        ավագ դպրոցների աշակերտներ։

 Միջոցառումը կունենա երկու հիմնական բաղադրիչ․

● Գիտագործնական քննարկում և տեխնոլոգիական ցուցահանդես․

    ○      բաց քննարկումներ / unconference,

    ○      գիտական և տեխնոլոգիական ցուցադրություններ,

    ○      քաղաքային նախագծերի և նորարար լուծումների ներկայացում,

 ● Ուսանողական հաքաթոն․

    ○      թիմերի ձևավորում և խնդիրների ներկայացում,

    ○      մենթորական աջակցություն ոլորտի մասնագետների կողմից,

    ○      ինտեսնիվ թիմային աշխատանք,

    ○      նախագծերի ներկայացում և գնահատում։

Լավագույն գաղափարները կստանան աջակցություն փորձնական կիրառման փուլի համար։

 Մասնակցությունը հնարավորություն կտա

   -        ներգրավվել քաղաքային խնդիրների լուծման գործընթացում,

   -          ստանալ մենթորություն առաջատար մասնագետներից,

   -        ներկայացնել քո գաղափարները քաղաքային որոշում կայացնողներին ու մասնավոր հատվածին,

   -        դառնալ Երևանի երիտասարդական գիտական և նորարարական ակտիվ համայնքի մաս։

 Այս փուլում հայտարարվում է նախնական հետաքրքրվածության հավաքագրում։ Խնդրում ենք լրացնել կարճ հայտաձևը՝ նշելով

   -          հետաքրքրության ոլորտը,

   -        մասնակցության նախընտրելի ձևը՝ քննարկումներ, էքսպո, հաքաթոն,

   -        ուսումնական կամ մասնագիտական պրոֆիլը։

 Գրանցվիր այստեղ՝ https://shorturl.at/PluzU

 Հայտերի ընդունման վերջնաժամկետը 2026 թվականի հունվարի 20-ն է։

 Ընտրված մասնակիցների հետ կապ կհաստատվի հաջորդ փուլում։