Ջեռուցման տեխնոլոգիաների երկրորդ մասնագիտացված ցուցահանդես

ՄԱՄԼՈ ՀԱՂՈՐԴԱԳՐՈՒԹՅՈՒՆ
1990-ականների սկզբին Հայաստանում արձանագրված տնտեսական անկումից հետո, երբ դադարեց կենտրոնացված ջերմամատակարարումը բազմաբնակարան շենքերում եւ դպրոցներում անարդյունավետ, մթնոլորտն աղտոտող եւ վտանգավոր ջեռուցման տեխնոլոգիաների լայնածավալ կիրառումը դժվարություններ առաջացրեց սպառողների համար՝ բարձր վարձավճարներ, օդի զգալի աղտոտվածություն եւ դրա անմիջական ազդեցությունը մարդկանց առողջության եւ մթնոլորտի վրա։
Հայաստանը, չունենալով սեփական վառելիքային ռեսուրսներ, պարտադրված է արդյունավետ տնօրինելու առկա էներգեսփկ միջոցները։ Ջեռուցման ժամանակակից տեխնոլոգիաների կիրառումը զգալի նշանակություն ունի Հայաստանի Հանրապետության տնտեսական եւ էներգետիկ անկախության ամրապնդման, էներգետիկ համակարգի հուսալիության աստիճանի բարձրացման, շրջակա միջավայրի պահպանության համար։ Հասանելի եւ մատչելի ջեռուցման ապահովումը Հայաստանի Հանրապետության կառավարության կողմից ընդունված Աղքատության հաղթահարման ռազմավարության ծրագրի (ԱՀՌԾ) կարեւորագույն նպատակներից է։ Արդյունավետ, մաքուր եւ ապահով ջեռուցման ծառայությունների
մատչելիությունը բարձրացնելու նպատակով, ՀՀ կառավարությունը, ԱՀՌԾ շրջանակում եւ Համաշխարհային բանկի ա այլ դոնորների աջակցությամբ որդեգրել է Քաղաքային ջեռուցման ռազմավարությունը (ՔՋՌ), որը հաստատվելէ 2002թ. ՀՀ կառավարաթյան որոշմամբ՝ նկատի ունենալով բազմաբնակարան շենքերի եւ դպրոցների ջեռուցման անարդյունավետ, աղտոտող եւ անապահով տեխնոլոգիաների համատարած կիրառման բացասական ազդեցությունը :

Հայաստանի Հանրապետության էներգետիկ համակարգը վերջին մի քանի տարիներին ենթարկվել է կառուցվածքային բարեփոխումների և զգալիորեն վերականգնվել: ՀՀ կառավարությունը բազմաթիվ միջոցներ է ձեռնարկել ջեռուցման տեխնոլոգիաների զարգացման ուղղությամբ: Քաղաքային ջեռուցման ռազմավարության շրջանակներում մշակված ծրագրի ֆինանսավորման նպատակով, Համաշխարհային  բանկն աջակցել է Հայաստանի Հանրապետության կառավարությանը` տրամադրելով 15 մլն ԱՄՆ դոլար գումարի վարկ:

ՔԱՂԱՔԱՅԻՆ ՋԵՌՈՒՑՄԱՆ ԾՐԱԳԻՐ (ՔՋԾ)

ՔՋԾ-ն իրականացնում է Հայաստանի վերականգնվող էներգետիկայի և էներգախնայողության հիմնադրամը, որը գործում  է  2005թ-ից: Հիմնադրամի կառավարման բարձրագույն մարմինն է Հոգաբարձուների խորգհուրդը, որը նախագահում է ՀՀ վարչապետը: Հիմնադրամը նպատակ ունի դյուրինացնել  ներդրումներն  վերականգնվող էներգետիկայի և էներգախնայողության բնագավառներում և նպաստել Հայաստանում էներգախնայողության ու  վերականգնվող էներգետիկայի շուկաների զարգացմանը, ինչպես նաև նպաստել շրջակա միջավայրի վրա բացասական ազդեցության նվազեցմանը, մշակել անվտանգության, էներգետիկ համակարգի հուսալիության բարձրացմանն ուղղված մեխանիզմներ:

Back to top