Armenia Renewable Resources And Energy Efficiency Fund

2008 թ. հոկտեմբերի 1 դրությամբ ԱՕԳԳ և ՔՋԾ կողմից Հիմնադրամին հատկացված դրամաշնորհի շրջանակներում իրականացվող Գազի և ջեռուցման ծրագրի իրականացման համառոտ նկարագիր >>>

Արդյունքահեն Օգնության Գլոբալ Գործընկերությունը (ԱՀՕԳԳ) բազմադոնորային ֆինանսավորմամբ և Համաշխարհային Բանկի վերահսկողության ներքո գործող հիմնադրամ է, որը 3.1 մլն. ԱՄՆ դոլար է հատկացրել քաղաքային բազմաբնակարան շենքերում բնակվող մոտ 8000 կարիքավոր ընտանիքներին կապիտալ դրամաշնորհ տրամադրելու նպատակով, ինչը գազի և ջեռուցման որակյալ ծառայությունները հասու կդարձնի անապահով ընտանիքներին: ԱՀՕԳԳ-ի առանցքային նպատակն է զարգացող երկրների կարիքավոր ընտանիքներին հնարավորություն ընձեռնելը օգտվելու հիմնական ենթակառուցվածքային և սոցիալական վստահելի ծառայություններից` Արդյունքահեն օժանդակության (ԱՀՕ) մոտեցումների լայնածավալ կիրառմամբ:

Առաջարկվող ԱՀՕ ծրագրի շրաջանակներում իրականացվում է դրամատվություն` հայաստանաբնակ կարիքավոր ընտանիքների համար կապիտալ դրամաշնորհներ հատկացնելու միջոցով, անապահով ընտանիքների բնակարաններում գազամատակարարումն ու ջերմամատակարարումը ապահովելու նպատակով` հետևյալ տարբերակների ֆինանսավորմամբ.

ա) անհատական վառարանային լուծուման տարբերակ, որը նախատեսում է անապահով ընտանիքների բնակարանների միացում գազամատակարարման համակարգին և/կամ անհատական գազային վառարանի տեղակայում:
բ) տեղային (լոկալ) ջեռուցմամբ լուծման տարբերակ, այդ թվում անապահով ընտանիքների բնակարանների միացում շենքի կամ թաղամասի մակարդակով տեղակայված կաթսայատներին:

Վերոնշյալ երկու տարբերակներում դրամատվության չափը որոշվում է փաստացի միացման ծախսերի հիման վրա: Դրամատվության գումարին հավելագրվում է նաև սահմանված չափով պարտադիր ներդրումային գումարը: Դրամաշնորհային միջոցների հաշվին վճարվում են միայն միացման այն ծախսերը, որոնք ապահովում են հարմարավետության անհրաժեշտ մակարդակ, պահանջարկի վրա հիմնված մոտեցման կիրառմամբ, ելնելով նրանից, թե ով է դիմել դրամատվության համար` անապահով ընտանիքն անձամբ, թե նրա անունից հանդես գալու իրավասություն ունեցող այլ անձինք:

Շահառուների ընտրության չափանիշները

ԱՀՕ ծրագրի համար որպես հիմք կընդունվի Հայաստանում ցածր եկամուտ ունեցող ընտանիքների գրանցման սոցիալական ապահովության ներկայիս հիմնական ծրագիրը` Աղքատությանընտանեկաննպաստիծրագիր (ԱԸՆԾ): Ֆինանսավորումից օգտվելու իրավասություն ունեցող ընտանիքները պետք է ապահովեն հետևյալ պայմանները.

բնակություն քաղաքային բազմաբնակարան շենքում,
շենքի միացվածություն գործող գազի ցանցին, որին թույլատրված է գազը ծառայեցնել ջեռուցման նպատակների,
15 000 դրամ (30 ԱՄՆ դոլար) կանխիկ գումարի պարտադիր ներդրում. Պարտադիր ներդրման պահանջն այն ընտանիքների նկատմամբ, որոնք դիմում են անհատական վառարանային լուծման տարբերակից օգտվելու համար` միայն գազային վառարան ստանալու հայտով (ի հակառակ գազատարի անցկացման հայտի), կազմում է 7500 ՀՀ դրամ (15 ԱՄՆ դոլար): Առանձին ընտանիքների փոխարեն ներդրման պարտադիր վճարումը կարող է իրականացվել նաև համաֆինանսավորող այլ մարմինների կողմից, ինչպիսիք են թաղապետարանը, ջեռուցում մատակարարող կազմակերպությունները և ոչ կարիքավոր ընտանիքները` տեղային կաթսայատան լուծման տարբերակի դեպքում, բարեգործական, ոչ-կառավարական կազմակերպությունները և այլն: Հիմնադրամը պետք է բացի և վարի պարտադիր համաֆինանսավորման համար նախատեսված բանկային հատուկ հաշիվ: Դրամաշնորհը կտրամադրվի միայն բանկային հաշվին համապատասխան համաֆինանսավորման գումարը մուքագրվելու դեպքում:

Անհատական վառարանային լուծման տարբերակում կիրառվում են նաև համապատասխանության հետևյալ չափանիշները.

Սահմանվում է առաջնահերթության համակարգ, որը կգործի ԱԸՆԾ-ի ցուցանիշների հիման վրա` ապահովելով կապիտալ դրամաշնորհի ստացման առաջնահերթությունը ամենակարիքավոր ընտանիքների համար: Դրամաշնորհից օգտվելու իրավասություն կստանան միայն ԱԸՆԾ գնահատման համակարգի կարիքավորության սանդղակով 38.01 և ավելի ցուցանիշ ունեցող ընտանիքները: Հավելցուկային միջոցների առկայության պայմաններում հայտարարվում է դրամաշնորհային երկրորդ մասնավճարը միևնույն գնահատման սանդղակով 34-38 միավոր ստացած ընտանիքների համար:

Տեղային ջեռուցմամբ լուծման տարբերակում կիրառվում են նաև համապատասխանության հետևյալ չափանիշները.

ԱԸՆԾ-ում ներգրավվածության անհրաժեշտություն.
հիմնավոր ապացույցներ առ այն, որ տվյալ շենքի բնակարանների սեփականատերերի մեծամասնությունը (50 տոկոսից ավելին) համաձայնել է օգտվել տեղային ջեռուցմամբ լուծման տարբերակից:
ԱԸՆԾ-ում ներգրավված կարիքավոր ընտանիքների ցանկը տարեկան կտրվածքով ենթակա է համահարթեցման յուրաքանչյուր տարվա հունվարի 1-ի դրությամբ ՀՀ աշխատանքի և սոցիալական հարցերի նախարարության կողմից տրամադրված տվյալների հետ:

Դրամաշնորհային ծրագրից օգտվելու իրավասություն չի կարող տրամադրվել ներքոհիշյալ դեպքերում.

Երևան քաղաքի կենտրոնական հատվածում բնակվող ընտանիքներին, անկախ ԱԸՆԾ-ին իրենց մասնակցության հանգամանքից (քաղաքի այս հատվածում գտնվող տների գներն անշարժ գույքի շուկայում ամենբարձրն են),
Վարձակալական հիմունքներով բնակվող ընտանիքներին,
Կենտրոնացված ջեռուցման գործող համակարգ ունեցող շենքների բնակիչներին, բացառությամբ այն ընտանիքների, որոնք գործող համակարգի առկայության պայմաններում ջեռուցումից չեն օգտվում,

ՀՀ օրենսդրությամբ սահմանված չափանիշներին համապատասխանող, գործող և ապահով գազի վառարան ունեցող ընտանիքներին: Հիմնադրամը կարող է անապահով ընտանիքների գազային վառարանը փոխարինել նորով, եթե այն չի համապատասխանում ՀՀ օրենսդրությամբ սահմանված չափանիշներին, պայմանով որ կապալառուն պարտավորվում է հանել և ոչնչացնել սահմանված չափանիշներին չհամապատասխանող վառարանը:

Լոկալ ցանցերի դիմումի ձեւ >>>,

Կապիտալ դրամաշնորհի դիմումի ձեւ >>>,

Համաձայնագիր >>>