Բնապահպանական կառավարման պլան Քաղաքային ջեռուցման ծրագրի համար (ՔՋԾ)

Հայաստանի Հանրապետության կառավարությունը և Համաշխարհային բանկը համագործակցում են Հայաստանի Հանրապետությունում աղքատության նվազեցման և կայուն տնտեսական աճ զարգացնելու ուղղությամբ: Այդ խնդիրների լուծման նպատակով Համաշխարհային բանկը տրամադրում է դրամաշնորհ և արտոնյալ ֆինանսավորում, քանի որ նրա առաքելությունն է` օգնել զարգացող երկրներին, նվազեցնել աղքատության չափերը  և նպաստել տվյալ երկրի զարգացմանը:
Այս շրջանակներում էլ նախապատրաստվեց Քաղաքային ջեռուցման ծրագիրը, որը կիրականացվի Վերականգնվող էներգետիկայի և էնեգախնայողության հիմնադրամի կողմից:
Ծրագիրն աջակցում է շրջակա միջավայրի բարելավմանն ուղղված` տեղական մակարդակով  միջոցառումներին, առաջարկելով  մատչելի և բնապահպանական առումով հարմար ջեռուցման այլընտրանքներ:
Բնապահպանական կառավարման պլանը ՔՋԾ համար ամփոփում է երաշխավորելի նախագծային միջոցառումները, շինարարության վերահսկման մեթոդները և մոնիթորինգի գործողությունները: ԲԿՊ-ն սահմանում է գազատարի, ջեռուցման խողովակների և կաթսայատների համար անհրաժեշտ` ջերմամատակարարման ենթակառուցվածքների շինարարության և կամ  վերակառուցման հետ կապված շրջակա միջավայրի վրա հնարավոր ազդեցությունները:

ԲՆԱՊԱՀՊԱՆԱԿԱՆ ԿԱՌԱՎԱՐՄԱՆ ՊԼԱՆ ՔՋԾ  >>>

Back to top